Lantziegoko erdigunetik gertu ERROIZ olio-errota kokatzen da. ERROIZen, Araba Errioxan bertakoa dugun ARRONIZ barietateko olibak prosezatzen ditugu batez ere, betidanik gure bailarak apaindu dituzten zuhaitzetatik jasotakoak. Hauetatik ateratzen ditugun olioak zapore handikoak dira, gordinik hartzeko oso bereziak.
Gure olibondoetatik eta Arabako Errioxako nekazariengandik jasotako olibak bakarrik prozesatzen ditugu ERROIZen, gure herrikoak bereziki. Biltze- eta prosezatze-uneak zainduz, ARRONIZ barietateko "oliba-olio birjina estra" esklusiboak egitea lortzen dugu, kalitatea kantitatearen aurretik jarriz. Gure olioak orekatuak eta oso zaporetsuak dira. Dastatzean, mingots-puntu atsegina nabari zaie, oliba berdearen freskotasuna darie eta ahoa pikante puntu gozoaz betetzen dute. Horrez gain, Arroniz barietateak polifenoletan eta bitaminatan duen kantitate handiak bere balio nutrizionala indartzen du, oliba-olio onenen artean kokatuz. Bertako biztanleek aspalditik gozatu eta maitatu dugun produktua orain teknika berrienekin lantzen dugu, gure betiko eskal olioari leio berri bat irekiz.